News

Our Vision: Be a leading service provider locally and globally.

your platform to redefine future

Kantipur Management Private Limited (KMPL) is an expertise on human resources solutions and has been providing Human Resource Management and related solutions to organizations across the country.

 ६ देशमा श्रम सहचारी र काउन्सिलर नियुक्त गरिँदै
Posted Date: 2017-06-02

६ देशमा श्रम सहचारी र काउन्सिलर नियुक्त गरिँदै

सरकारले विभिन्न श्रम गन्तब्य मुलुकमा रिक्त श्रम सहचारीर काउन्सिलर नियुक्तिको प्रक्रिया थालेको छ । श्रम तथा रोजगार मन्त्रालयले यसका लागि दरखास्त आह्वान गरेको छ । त्यसमा आवेदन दिन चालक अनुमतिपत्र र टोफेल-आइइएलटीएस उत्तीर्ण हुनैपर्ने छ ।

मलेसिया, दक्षिण कोरिया, साउदी अरबको जेद्दाह, युएई, कुवेत र ओमनका लागि मन्त्रालयले श्रम सहचारी र काउन्सिलरको पदमा दरखास्त मागेको हो ।

यी मुलुकहरुमा अहिले श्रम सहचारीका पदहरु खाली हुँदा कामदारहरु समस्यामा छन् । कामदारहरुले दूतावासमा आउँदा पनि आफ्नो समस्या नसुनिएको गुनासो ब्याप्त छ । यसैलाई सम्बोधन गर्न रिक्त रहेका देशमा श्रम सहचारी नियुक्तिका लागि दरखास्त मागिएको हो ।

नेपालीको प्रमुख श्रम गन्तब्यका श्रम सहचारी नियुक्तिको लागि पछिल्लो समयमा कडा मापदण्ड बनाइएको छ । मापदण्ड बलियो बनाउँदा शक्ति केन्द्रको भनसुन र पैसाको भरमा श्रम सहचारी हुन रोक्ने विश्वास लिइएको श्रम मन्त्रालयले जनाएको छ ।

श्रम तथा रोजगार मन्त्रालयले कडा प्रावधानसहित कार्यविधि पारित गर्दै नयाँ मापदण्ड बनाएको छ । जसअनुसार यो पटक श्रम सहचारीमा दावी गर्न टोफेल र आइइएलटीएसमा न्यूनतम ५ अंक ल्याउनै पर्नेछ । पीटीई परीक्षामा ३५ अंक ल्याएकाले पनि श्रम सहचारीमा आवेदन गर्न सक्नेछन् ।

साथै सवारी चालक अनुमतिपत्र पनि अनिवार्य गरिएको छ भने निजामति सेवामा कम्तिमा अधिकृतस्तरमा ३ वर्ष सेवा गरेकै हुनुपर्ने व्यवस्था गरिएको छ ।

यसअघि अंग्रेजी भाषा सिकेको प्रमाणपत्र ल्याएकै भरमा सहचारी बन्ने प्रवृत्ति थियो । भाषा कमजोर भएकै कारण श्रम सहचारी र काउन्सिलरले कामदारलाई परेको समस्या सम्बन्धित मुलुकमा सरकारी निकायसँग प्रष्ट रुपमा राख्न नसक्ने समस्या अब हट्ने विश्वास गरिएको छ ।

बिगतमा अन्य मन्त्रालयमा रहेकाहरु सेटिङ मिलाएर श्रम मन्त्रालयमा आउने र मोटो रकम बुझाएर श्रम सहचारी बनेर विदेश जाने प्रचलन ब्याप्त थियो । अहिले मन्त्रालयमै काम काम गरेका र कामदारको हित थथा विदेशी कानुन, आप्रवासी कामदारको मुद्दा र विषयवस्तुमा जानकारी भएकाहरुलाई प्राथमिकता दिनेगरी मूल्यांकन विधि बनाएको छ ।

अब पैसा खुवाएरै श्रम सहचारी बन्ने सम्भावना सकिएको मन्त्रालयले जनाएको छ । कम्तीमा अंग्रेजी भाषामा दक्ष र विषयवस्तुको ज्ञान हुनैपर्ने प्रावधानले अयोग्य ब्यक्ति जानबाट केही हदसम्म रोक्ने अपेक्षा गरिएको छ ।

अहिले खाडीका ५ राष्ट्रसहित मलेसिया र कोरियामा श्रम सहचारीहरु पठाउने गरिएको छ । मलेसियामा श्रम काउन्सिलर र सहचारी दुबै राख्ने गरिएको छ ।

स्रोत: अनलाईन खबर डट कम


Latest News

View All

Latest News - Human Resource

View All

Resources Center - Loksewa

View All